Panang karrý ramen með Oumph

Fullkomið haustlegt ramen

Í dag deilum við með ykkur uppskrift af æðislegri einfaldri núðlusúpu eða svokölluðu “ramen”. Súpan er gerð á einni pönnu og tekur innan við 15 mínútur að elda. Það er auðvelt að nýta það sem til er út í súpuna, hvaða grænmeti sem hugurinn girnist en að þessu sinni settum við sveppi, edamame og oumph”.

Panang ramen með Oumph!

Vista/prenta út

Með myndÁn myndar

Fyrir: 2

Höfundur: Veganistur

Undirbúningstími: 5 MinEldunartími: 10 Min: 15 Min

Æðislegt einfalt ramen með panang karrý, sveppum, edamame og oumph!

Hráefni:

• 100 gr hveiti núðlur eða hrísgrjónanúðlur
• 2 hvítlauksrif
• sirka 2 cm af engiferrót
• 3 msk ólífuolía
• 2 msk panang curry mauk
• 1 kúfull tsk af ljósu miso (má sleppa)
• 1 grænmetiskraftur
• 2 msk soyasósa
• 1 dós kókosmjólk
• 200 ml vatn
• salt og pipar
• 1 lúka niðursneiddir sveppir
• 1 dl edamame baunir
• 200 gr ókryddað oumph
• 2 litlir vorlaukar
• ferskt kóríander
• sesamfræ (má sleppa)
• crispy chilli olía (má sleppa)

Aðferð:

1. Sjóðið núðlurnar samkvæmt leiðbeiningum á pakkningum
2. Hitið olíu á pönnu og setjið pressaðan hvítlauk, rifið engifer og panang curry maukið út á pönnuna. Steikið aðeins og bætið síðan við sveppum, edamame og oumphi. Steikið í 5-6 mínútur.
3. Bætið kókosmjólk, vatni, grænmetiskrafti, soyasósu og miso út á pönnuna og leyfið suðunni að koma upp. Leysið upp miso og grænmetiskraft og smakkið til með salt og pipar. Sjóðið í 5-6 mínútur.
4. Skiptið núðlunum í tvær skálar og skiptið síðan soðinu, sveppunum, oumphi og edamame baunum í skálarnir.
5. Stráið niðursneiddum vorlauk, kóríander, sesamfræjum og chilli olíu yfir og berið fram.

Prufaðir þú þessa uppskrift?

Taggaðu @veganistur.is á instagram og notaðu hashtaggið #veganistur

- Þessi færsla er unnin í samstarfi við Oumph! á Íslandi -